නික් එංග්‍ලිෂ්ගේ සොහොයුරා ඔහුගේ රහස් පරීක්ෂණ කාරයාලයේ මේසයක් මත වැතිරී මියගොස් සිටියේය. ඔහුගේ අතක් සමීපයේ .38 වරගයේ පිස්තෝලයක් තිබිණ. මෙය සියදිවි නසා ගැනීමක්ද? මිනිමරුමක්ද? නගරයේ ධනවත්, නම්බුකාර ප්‍රභූවරයෙකු වන නික් එංග්ලිෂ් මෙම මරණය පිළිබඳව උසාවිය දුන් තීන්දුව පිළි නොගත් අතර සොහොයුරාගේ නියම මිනීමරුවා පසුපස නීතිය අතට ගෙන ලුහුබැඳ ගියේය. ඔහුට එරෙහිව දේශපාලඥයන්,නීතිඥයන්,උසස් පොලිස් නිලධාරීන්, කප්පම්කාරයින්, භයානක මිනීමරුවන්, රූමතියන් නැඟි සිටියහ. “මගේ සහෝදරය මොන ජාතියෙ කෙනෙකු උනත් ඔහු මගේ පවුලෙ සාමාජිකයෙක්. ඔහු මරා දැමූ කාට වුවත් නිදැල්ලේ ජීවත් වෙන්න ඉඩ දෙන්න බැහැ. ඒ මිනීමරුවට ලෙයට ලෙයින් වන්දි ගෙවන්න සිද්ධ වෙනව.’’