බොහෝවිට දරුවෝ, අත දරුවෝ පවා පරස්පර විශ්වාසයන්ට සහ හානිකර සම්ප්‍රදායන්ට හුරු කෙරෙති. එවැන්නන්ගෙන් සමහරුන් පසුව එම මිථයාවන්ගෙන් මිදෙන නමුත් බොහෝ අයට ඒවා තුළ හිරවී රැදී සිටීමට සිදුවේ.
මේ තත්වය සමහර වැඩිහිටියන් විසින් ද අවබෝධ කරගෙන ඇති බව පෙනේ. දරුවන්ට සහජයෙන් ම උරුම වී ඇති ගුණ ධර්ම සහ විමර්ශනශීලී කුසලතාවයන් නොනසා පවත්වා ගැනීමට එවැනි වැඩිහිටියන්ට ද උවමනා ය. නමුත් ඔවුනට දරුවන් මෙයින් මුදවා ගැනීමට අවශය ආම්පන්න නැත.
එම හිඩැස පුරවා ඔවුන් දිරි ගැන්වීම සදහා මෙම ළමා කතාන්දර ලියැවී ඇත. ඔවුන් හේතු යුක්ත ලෙස සිතන, සොබාදහමට ආදරය කරන පුද්ගලයන් බවට පත් කිරීම මෙම වයායාමයේ අරමුණයි. |
