ගුත්තිල කතුවරයාගේ නාමය කිසිඳු පොතක හෝ ඉතිහාසයෙහි හෝ කිසිඳු සඳහනක් නැති බව පළමු ව ප්‍රකාශ කළ යුතු ය. ගුත්තිල කාව්‍ය‍යෙහි ද කොතැනකවත් කතුවරයාගේ නාමය සඳහන් වී නොමැති බව සැලකිය යුතු ය. කෝට්ටේ සාහිත්‍ය යුගයේ පහළ වු ගුරුකුල දෙකක් අතිශයින්ම සාහිත්‍ය
නවෝදයට මඟ හෙලිකළ බව පිළිගැනෙයි එනම් :- තොටගමුව ගුරු කුලය හා විදාගම ගුරු කුලය. මෙම ගුරුකුල දෙකට ම ගැති නොවී ස්වාධීන මඟක් ගත් ගුත්තිල කවියා ජනප්‍රවාදයේ වෑත්තෑවේ හිමි නමින් හැදින්වේ.
‘ගුත්තිල ජාතකය’ දේශනා කිරීමට බලපාන ලද හේතුව දැනගත යුතු ය. වේළුවනාරාමයේ භික්ෂූන් අතර දේවදත්ත ස්ථරයන් පිලිබඳ කථාවක් පැන නැගීම නිසා, එම දේවදත්ත හිමියන්ගේ පූර්ව චරිතය ප්‍රකාශ කිරීමේ අරමුණින් බුදුන්වහන්සේ විසින්. ‘ගුත්තිල ජාතකය’දේශනා කරන ලදී.
