දරුවන්ට ජීවිතයේ පාඩම් විවිධාකරයෙන් උගන්වන්නට හැකි ය. වඩාත් හොඳ දේ නම් දරුවන්ගේ සිතට කා වැදෙන අයුරින් ඒවා ඉගැන්වීම ය. ඔවුන්ගේ අනාගත ජීවිතය වඩාත් සාර්ථක ලෙස හැඩගැසෙන්නේ එවිට ය.‘හැමෝටම බාගයයි‘ ළමා කෘතිය තුළින් මෙහි කතුවරිය උත්සාහ දරන්නේ කතන්දරයක් ඔස්සේ දරුවන්ට ජීවිතය පිළිබඳ අපූරු පාඩමක් උගන්වන්නට ය. කෘතියේ අන්තර්ගත අපූරු සිතුවම් ශෛලිය ඇගේ උත්සාහය සාර්ථක කරන්නට මහඟු අත්වැලක් සපයයි.