මෝටර් වාහනයක ඇති විවිධ යාන්ත්‍රික හා විදයුත් පද්ධති අතරින් වැදගත්ම පද්ධතිය ලෙස රෝධක පද්ධතිය (Braking System) හැදින්විය හැකිය. එයට හේතුව වන්නේ, වේගවෙන් ධාවනය වන මෝටර් වාහනයක වේගය පාලනය කර ගැනීමට මෙන්ම වාහනය නවතා ගැනීමට ද හැකි වන්නේ රෝධක පද්ධතියේ ආධාරයෙන් වීම ය. විවිධ නිර්මාණයන්ගෙන් හා ක්‍රියාකාරිත්වයන්ගෙන් යුක්ත රෝධක පද්ධති මෝටර් වාහනවල දක්නට ලැබේ. බොහෝ නවීන වාහනවල රෝධක පද්ධති ප්‍රතිඅගුලු රෝධක පද්ධතියක්ද (Anti-Lock Braking System-ABS) සමන්විත නිර්මාණය කර ඇත.එමගින්, වඩාත් විශ්වාසනීය වූ ද , කාර්‍යක්ෂම වූ ද, සේවාවක් රෝධක පද්ධතිය තුළින් ලබාගත හැකි වේ. මෙම පොතෙහි පරමාර්ථය වන්නේ,මෝටර් වාහනවල දක්නට ලැබෙන රෝධක පද්ධතිවල නිර්මාණය හා ක්‍රියාකාරිත්වය මෙන්ම,ඒවායේ නඩත්තු හා අළුත්වැඩියා කටයුතු පිළිබදව ද විස්තරාත්මක කරුණු ඉදිරිපත් කිරීම ය. එමගින් මෝටර් යාන්ත්‍රික විදයාව විෂයයක් ලෙස හදාරණ සිසුන්ට මෙන්ම,වාහන කාර්මිකයන්ට ද අවශ්‍ය වන නයායික හා ප්‍රායෝගික දැනුම පුළුල්ව ලබාදීම අපේක්ෂා කෙරේ.