ජීන් පියාජේගෙන් තොරව ළමා සංවර්ධනය හා ප්‍රජානන වර්ධනය ගැන කතා කළ නොහැකි තරමට ඔහුගේ සොයා ගැනීම් හා අනාවරණ ළමා මනෝවිද්‍යා ක්ෂේත්‍රයේ අතිශයින්ම වැදගත් වේ. පියාජේගේ චින්තනය පිළිබද ලොව පුරා විවිධ බසින් පොතපත දහස් ගණන් ලියැවී ඇත. එකී පියාජේ සාහිත්‍යයේ සිංහල මාධ්‍ය අල්පමාත්‍රය අතර මෙය නවතම කෘතිය වශයෙන් හදුන්වා දිය හැක්කේය. මෙහි පියාජේ පිළිබද සමස්තය අන්තර්ගත නොවුව ද ගුරුවරුන්, පාඨමාලා විද්‍යාර්ථින් හා දරුවන් ඇති දැඩි කරන දෙමාපියන් උදෙසා අවැසි සංක්‍ෂිප්තය අන්තර්ගත වේ. සරල බසින් ලියා ඇති බැවින් කාටත් කියවා තේරුම් ගතහැකි වීම මෙම කෘතියේ විශේෂ ලක්ෂණයකි.
