හිටපු මහ බැංකු අධිපති සහ හිටපු මුදල් රාජ්‍ය අමාත්‍ය අජිත් නිවාඩ් කබ්රාල් මහතා විසින් රචිත “ආර්ථික ඝාතකයන් මැද“ කෘතිය මේ වන විට එළිදක්වා තිබේ.
“ශ්‍රී ලංකාව, රටක් ලෙස ‘බංකොලොත්භාවය‘ ලෝකයාට නිවේදනය කර හමාරයි. නිදහසින් පසු මේ රටේ සිදු වූ විශාලතම පාවාදීම එයයි. එම බංකොලොත්භාවය ප්‍රකාශ කරවීම සඳහා සතුරු බලවේග ගණනාවක්ම, කාලයක් තිස්සේ සැලසුම් සහගතව කූඪ කුමන්ත්‍රණයක යෙදුණා. ඔවුන්ගේ අරමුණ වූයේ ශ්‍රී ලංකාව කෙසේ හෝ ‘බංකොලොත්‘ කර, ‘ජාත්‍යන්තරය‘ ඉදිරියේ දණ ගැන්වීමයි“, යනුවෙන් පවසන හිටපු මහ බැංකු අධිපතිවරයා වැඩිදුරටත් කියා සිටින්නේ ආර්ථික ඝාතනයේ මෙතෙක් හෙළි නොවූ රහස් රැසක් මෙම කෘතිය තුළ ඇතුළත් බවයි.
